Ka filluar të shtrohet një pyetje këto ditë: A mund të shpëtojë PS? Përgjigja është: S’ka asnjë mundësi sepse Edi Rama do të marrë me vetë gjithçka me idenë: pas meje u bëftë kiameti.
Do të bëhet më së fundmi realitet amaneti i At Zef Pëllumbit: Rama në krye të PS është individi më i përshtatshëm për të shkatërruar plotësisht PS…
***
Tani që Rama është në fund të mbretërimit të tij, kanë filluar të dalin zëra nga brenda PS për largimin e Ramës për të mundësuar ruajtjen e pushtetit. Për reformimin e saj. Madje edhe për rithemelimin e saj.
A është e mundur të ndodhë ndonjë nga këto opsione? Duket e pamundur sepse të gjithë ata që lëshojnë këto thirrje sot kanë mbështetur prej vitesh fuqimisht ardhjen në pushtet të Ramës. Kanë heshtur për korrupsionin e Rilindjes të drejtuar nga Rama, për futjen nga Rama të kriminelëve në parlament, për kanibizimin masiv të vendit, për blerjen e votave dhe kërcënimin e votuesve.
Një pjesë e atyre që lëshojnë thirrjet për shpëtimin e PS shikojnë se është e pamundur të mbahet pushteti me Ramën ne krye dhe kërkojnë të gjejnë lider tjetër për të vazhduar të mbajnë pushtetin ndërkohë që partia e tyre është ‘qelbur’ nga koka por edhe s’ka mbetur asnjë qelizë pa u dekompozuar, prandaj s’mund të gjendet ilaç për ta ngjallur ‘kufomën’ që kundërmon. Ka edhe dy tri individë që janë bërë aktivë se mendojnë që ka ardhur momenti i volitshëm për të kapur drejtimin e PS…
***
Të gjitha këto përpjekje do të rezultojnë të dështuara. Pasi është eliminuar PS me shumë gjasa do të shpërbëhet plotësisht edhe Rilindja, sepse Rama së bashku me klientelën e ngushtë të Rilindjes e në shoqërinë së fundmi të alienëve e ufove, por i mbështetur prej kohësh edhe nga heshtja e pak ‘socialistëve’ që kërkojnë sot shpëtimin e partisë së tyre të ‘vdekur’ apo të eliminuar ndër vite:
Përfundimisht sot Rama pasi ka eliminuar PS dhe ka plagosur rëndë Rilindjen gjendet i vetmuar në shoqërinë e alilenëve e ufove, i marrë peng nga kriminelët e oligarkët të cilët së bashku kanë krijuar një grupim të fuqishëm që kontrollon qeverisjen e vendit në nivel vendor e qendror; konkretisht edhe e pamundur të ndahet nëse bandat kanë vënë nën kontroll Ramën apo Rama drejton bandat. Rama do ti shkatërrojë plotësisht mbeturinat e PS e të Rilindjes, dhe nuk do të lërë të shpëtojë apo mbijetojë asgjë pas tij….
© SYRI.net
Popo Rama ka merite qe zbuloi acik ps oligarket qe moren pare nga komunizmi qe ne 91, ps qe krijoi bandat me te rrezikshme ne 97, e ato banda jan riciklu deri sot. Ps qe sju nda kurre droges, ajo ne hije e ajo ne pushtet, ps qe shkaterroi se fundmin gjithe shetin cdo gjo. Shakaterroi shpirtin e shqiptarit qe shet demokracine per 50 mij lek te vjetra, Ps qe mbiu ne Shqipni ne 45 e qe sot qe bon varrin vetes me nji psikopat si Rama.
shume analize gjeniale? Dua ta shijoj spektaklin deri ne fund kur germadhat e shkaterrinave te veta tta zene perfund kete shkaterrues te atdheut dhe te cdo vlere humane.
Mbyllja e ketij shkrimi me pelqen shume. N.q.s Edvini arrin te shkermoq PS dhe Ripjerdhjen ai meriton cmimin nobel.