Shpend Ahmeti nuk ia huq vetëm si kryetar i Prishtinës.
Ai duket se nuk e ka idenë as për misionin e ri që ia ka vënë vetes-dialogun me Serbinë.
Si bashkëkryesues i ekipit negociator të Kosovës, ka bërë gafën e radhës.
Duke u përpjekur të thotë edhe ai diçka për vizitën e Putinit në Beograd, e ka katranosur fare.
Socialdemokrati i orëve të fundit, me gjasë, një trashëgimtar i denjë i komunistëve të dikurshëm, arrin deri aty sa të tërheqë paralele mes dy rasteve krejtësisht të ndryshme.
Shpendi ynë fluturon në konfliktin tashmë të zgjidhur Maqedoni-Greqi për emrin, i bindur se marrëdhënia Kosovë-Serbi, është diçka e ngjashme.
E sipas tij, e kemi ne radhën, për të vulosur paqen në Ballkan.
E bën qëllimshëm apo nga padija, pak rëndësi ka. Si një mashë e oligarkëve kosovarë, “opozitari” Shpend Ahmeti, e ka të qartë se si duhet të sillet tash e tutje.
Ta relativizojë maksimalisht, përplasjen shekullore mes Kosovës dhe Serbisë. Sidomos tash, në kohën kur shefi i tij i vërtetë, përpiqet të luajë aktin e fundit të dramës-ndarjen e Republikës.
Prandaj, bashkëkryesuesi i ekipit negociator, bën krahasime idioteske, që lidhje nuk kanë me realitetin historik dhe gjeopolitik.
Fundja, Greqia nuk i ka bërë kurrfarë gjenocidi Maqedonisë, të cilës ia kontestonte emrin, por jo statusin.
Serbia, bëri gjenocid në Kosovë. Shpendi mund të ketë harruar se sapo shënuam 20 vjetorin e masakrës së Reçakut.
Mbi dhjetë mijë njerëz të vrarë, mijëra gra e vajza të dhunuara, miliarda euro dëme, një spastrim etnik sistematik i dirigjuar nga regjimi serb-të gjitha këto krime monstruoze nuk kapërdihen lehtë.
Ahmeti, mund t’i kapërdijë, sepse të jesh në çetën e despotit Thaçi, duhet të jesh në gjendje të gëlltitësh gjithçka.
© SYRI.net
Keta soiseza, si Thaci, ky shpendi por edhe Pacolli ky antar i MAFIAs ruse dhe disa te tjere, ne Kosove....por edhe Rama,dhe ky pinxhua qe do te drejtoi M. e Jashteme nga Kosova .....duhet te mos bejne hije mbi token e begate dhe te shenjte shqiptare.....ndryshe, genocidi serbe nuk do te ndalet vetem ne Kosove por do te perfshije edhe shqiperine......