Këshilltari i Kryeministrit nuk e ka idenë çfarë është Lindja e Mesme

Këshilltari i Kryeministrit nuk e ka idenë çfarë është Lindja e Mesme

Nga SYRI.net - 11/06/2018

Qeveria shqiptare ka nisur një lojë të vërtetë me zjarrin dhe fjala është për debatin nëse vendi unë do të pranojë apo jo refugjatë nga Lindja e Mesme.

Diku mes Samitit të Sofjes dhe takimit me Sebastian Kurtz në Austri, Edi Rama duket se ka filluar seriozisht ta shndërrojë Shqipërinë në një magazinë refugjatësh lufte të cilët kryesisht vijnë nga vendet e konfliktit, dhe konkretisht nga Siria.

Në debatin mes ngritjes së një qendre për trajtimin e ish luftëtarëve të ISIS (siç sugjeroi pak ditë më parë kryeministri bullgar), apo shndërrimit të Shqipërisë në një qendër pritje për emigrantët sirianë, peshorja e interesave të Edi Ramës duket qartë se po anon drejt kësaj të dytës.

Në 3 dalje të ndryshme gjatë ditës së sotëm, 3 zyrtarë të qeverisë Rama, përkatësisht Ministri i Jashtëm Ditmir Bushati, zëvendësministrja e Brendshme Rovena Voda dhe këshilltari për sigurinë e Kryeministrit Sandër Lleshi kanë lënë të kuptohet se qeveria jonë është në negociata me vendet e BE-së për ta shndërruar Shqipërinë në një qendër të madhe emigrantësh. Ky nuk është aspak një lajm i mirë. Argumentet e përdorura pro kësaj ideje krejt problematike nga Bushati dhe Voda, ia vuri kapakun gjatë pasdites këshilltari i Edi Ramës për sigurinë Sandër Lleshi. Sipas ish gjeneralit në lirim “ardhja e refugjatëve sirianë në Shqipëri, është një lloj si emigrimi i shqiptarëve në Greqi e Itali dhe kjo nuk përbën asnjë problem”. Nisur pikërisht nga kjo logjikë që ndjek, duket qartë se këshilltari i Kryeministrit dhe për pasojë edhe vetëm shefi i qeverisë nuk e kanë idenë se çfarë është Lindja e Mesme. Krahasimi i shqiptarëve që mësynë drejt vendeve fqinjëve thjeshte e vetëm për shkaqe ekonomike me sirianët të cilët largohet nga vendi i tyre për shkak të luftës civile dhe 1001 konflikteve të tjera që ka Lindja e Mesme si rajon, është një më sapaku një dritëshkurtësi, e maksimalisht një mungesë përgjegjësie. Debati sigurisht që sapo ka nisur, por me shumë gjasë në interesin e tij të ditës Edi Rama duket se e ka marrë vendimin dhe ka dhënë fjalën për një situatë që mund të sjellë komplikacione serioze për sigurinë kombëtare të Shqipërisë.

Vende akoma më serioze e shumë më të fuqishme sesa Shqipëria, si fjala vjen Serbia dhe Hungaria kanë refuzuar kategorikisht të hapin dyert e tyre edhe përkundër premtimeve mjaft zemërgjera të Brukselit për fonde dhe suport, jo se këtyre vendeve u duhen më pak paratë sesa vendit tonë. Hapja e kufijve dhe shndërrimi i Shqipërisë në një geto emigrantësh nga Lindja e Mesme do të vinte në rrezik akoma edhe më shumë jo vetëm sigurinë kombëtare, por edhe vetëm ekuilibrat socialë që edhe në këtë pikë janë tejet të brishta për shkak të konflikit të brendshëm. Një vend i cili sot e gjithë ditën e ka sigurinë publike në nivelet më të ulëta, me një krim të organizuar totalisht jashtë kontrollit dhe me skemë aktive të trafikut të qenive njerëzore që është gati të përfitojë në çdo moment, shthurja përfundimtare e atij që njihet me konvecionin shteti shqiptar është një ekuacion i sigurt.

Dhe duke qenë se për  interesin personal të Edi Ramës ne sot e gjithë ditën do të ishim duke demontuar armët e shkatërrimit në masë të Asadit, shpresa që qeveria shqiptare të mos i futet aventurës së radhës është edhe njëherë nga partnerët tanë europian, fjala vjen Italia e cila nën logjikën e Sandër Lleshit mund ta kuptojë shumë mirë sesa e aftë është Shqipëria për të kontrolluar kufijtë e saj.

© SYRI.net

Lexo edhe

Komentet

Popull13/06/2018 12:27

Aman po ci prishi atij te marre ca emigrante siriane. Anarshi do, krimi, korrupsioni, droga, pse jo dhe ca siriane?

FSHZH12/06/2018 11:47

Kisha kohe pa ndjekur TV dhe kete cjapin keshilltarin e sigurise (?!) e degjova rastesisht. Holy cow !!! Nga nje ane pelliste ska asnje risk nga ISIS apo Plehrat Kimike ...dhe dy minuta me vone po ky veshgjate thonte me buzeqeshje uretri "ska asgje ne kete bote pa risk"

Arber12/06/2018 11:41

Si nuk e ka idene, e ka edhe shume mire biles, por ashtu ja do interesi te flase sepse eshte pjese e stafit te atij palloshit dhe do i mbaje iso atij prandaj e mban aty.

gfds12/06/2018 10:19

E megjithate, askush nuk e permend qe e vetme Turqia mban 3.5 milione refugjate siriane, tash 5 vite pothuajse

Shto koment