I zhytur thellë në malet e prefekturës Yamanashi të Japonisë, Nishiyama Onsen Keiunkan është ‘hoteli më i vjetër në botë’.

Duket sikur koha ka ndalur- dhe kjo nuk është një rastësi.

Legjenda thotë se ishte viti 705 kur djali më i madh i Fujiwara no Kamatari, familjes më të fuqishme aristokrate të asaj periudhe, po endej nga kryeqyteti kur zbuloi burimet e nxehta në zonë.

Menjëherë pas kësaj, u ndërtua një ryokan, ose hotel tradicional japonez me burime të nxehta. Për më shumë se një mijëvjet, të ftuar të ndryshëm si rrogëtarët e Tokios, udhëheqës të famshëm si Tokugawas (një familje shogun që sundoi Japoninë për 400 vjet) dhe madje edhe perandori aktual i vendit Naruhito kanë shkuar të shijojnë ujëra e pasura me minerale dhe peizazhin bukolik.

Ryokan ka qenë prej kohësh i njohur në Japoni. Por popullariteti i tij mori një rritje të madhe në vitin 2011, kur Libri i Rekordeve Botërore Guinness caktoi Nishiyama Onsen Keiunkan si ‘hotelin më të vjetër në botë’.

I ndërtuar në vitin 705 pas Krishtit, është hoteli dhe biznesi më i vjetër në botë, i drejtuar nga e njëjta familje për 52 breza. Arkitektura e hotelit pasqyron një kryqëzim midis periudhave Asuka dhe Heian dhe përmban ndikime budiste.

Me kalimin e viteve, hotelit i janë bërë rinovime, por ka ruajtur hijeshinë dhe atmosferën tradicionale. Ai ofron dhoma te bollshme me banja në natyrë me burime të nxehta dhe kuzhinë të mirë.

Nishiyama Onsen Keiunkan është një shembull mahnitës i arkitekturës tradicionale japoneze dhe ruajtjes kulturore.