Një mostër e mbledhur nga asteroidi 4.5 miliardë-vjeçar “Bennu” u zbulua se përmban ujë dhe karbon, të dyja materiale që do të çojnë NASA-n në zbulimin e mëtejshëm për gjenezën e formimit të planetit tonë.

“Molekulat e karbonit dhe të ujit janë pikërisht llojet e materialeve që ne donim të gjenim. Ato janë elemente thelbësore në formimin e planetit tone dhe do të na ndihmojnë të përcaktojmë origjinën e elementeve që mund të kenë çuar në formimin e jetës”, tha Bill Nelson-administrator i NASA-s

Zbulimi ofron akoma më shumë prova për teorinë se themelet e jetës në Tokë u mbollën nga hapësira e jashtme.

Misioni OSIRIS-REx mblodhi shkëmbinj dhe pluhur nga “Bennu” në vitin 2020 dhe një kapsulë që përmban ngarkesën e çmuar u kthye me sukses në Tokë pak më shumë se dy javë më parë.

Tashmë po vijon nga ana e tyre analizimi me detaje në një dhomë të specializuar në Qendrën Hapësinore Johnson të NASA-s në Hjuston.

NASA zgjodhi Bennu, sepse mendojnë që asteroidë të ngjashëm mund të kenë dërguar blloqe ndërtimi organike në Tokë së bashku me ujë përmes përplasjeve miliarda vjet më parë.