Inteligjenca Artificiale ka mësuar të analizojë të dhënat mjekësore, të lexojë imazhe astronomike, fiton në poker me lehtësi, fluturon me dronë, por sipas studiuesve ajo mund të bëjë çdo gjë, deklaroi Luca Trevisan, profesor i Shkencave Kompjuterike në universitetin ”Bocconi”.

”Ne po shohim progres të vazhdueshëm në zhvillimin e algoritmeve që bëjnë gjithnjë e më shumë gjëra dhe, duke parë përpara, në vitet e ardhshme shohim gjithnjë e më shumë aplikime, duke filluar në mjekësi me zhvillimin e terapive të reja, diagnoza të hershme dhe trajtime të personalizuara. Ky progres mund të na japë përshtypjen se nuk ka kufij për atë që mund të bëhet me algoritme”, tha Trevisan.

“Në realitet ka gjëra që algoritmet nuk do të jenë në gjendje t’i bëjnë, llogaritje për të cilat nuk do të jetë e mundur të zhvillohen algoritme efikase. Kjo vlen, për shembull, për operacionet bankare në shtëpi ose transaksionet financiare, siguria e të cilave kalon përmes aplikacioneve bazuar në llogaritjet të cilat, nëse do të ishte e mundur të kryheshin në mënyrë efikase, mund ta linin fushën e lirë për operacione të paautorizuara”, shton ai.

”Është e vërtetë që ka probleme llogaritëse që mund ta lejojnë këtë, por nuk ka algoritme që mund t’i lejojnë ato në një kohë të arsyeshme, pasi do të duheshin miliarda vite. Është një çështje kompleksiteti. Ka llogaritje që do të kërkonin miliarda operacione, për të cilat nuk ka asnjë rrugë të shkurtër dhe që as një sistem inteligjence artificiale nuk mund t’i kryente”, përfundon ai.