“Fëmijët i ruan Zoti”, është një thënie popullore që shpesh herë thuhet, por që tingëllon më shumë si ngushëlluese. Por në rastin e vogëlushit 4-vjeçar që për 5 ditë e 5 netë ka ecur i vetëm një territor të banuar nga disa nga grabitqarët më gjakatarë të planetit, rezulton më se i vërtetë.
Pothuajse një mrekulli, në fakt. Është kjo historia e këtij fëmijë plot kurajë që u zhduk në afërsi të fshatit të tij Asa, teksa mundohej të ndihmonte vëllezërit e tij me bagëtinë.
Zhdukja e tij alarmoi fisin që banon në afërsi të parkut kombëtar Tsavo, që me mjetet e tyre rrethanore filluan kërkimet me ditë të tëra. Shpresa e tyre dobësohej çdo ditë e më shumë, sepse në park jetojnë luanë dhe leopardë, rinocerontë agresivë, ndërkohë që natën dominojnë turmat e hienave.
Për këtë arsyeje, ditën e gjashtë u duk e pabeshueshme kur piloti i një helikopteri të një organizate që mbikëqyr kafshët e egra në park, pa figurën e imët të vogëlushit. I shokuar dhe plot pickime insektesh, ai ishte i dezidratuar por në gjendje shëndetësore jo kritike, por me një histori që mund t’ia tregojë edhe nipërve, tani që do të ketë fatin të plaket.
© SYRI.net