Lajmi i fundit

Dukagjin Lipa 'godet' Ramën dhe Vuçiç, sulmon fort 'Open Balkan'

A është vërtet sekret receta e 'Coca-Cola'-s?

A është vërtet sekret receta e 'Coca-Cola'-s?

21:48, 21/05/2022
A+ Aa A-

Ishte 8 maj 1886, një mbrëmje e nxehtë dhe e lagësht, kur farmacisti John Stith Pemberton në shtëpinë e tij në Atlanta (SHBA), falë edhe përdorimit të një kazani prej bronzi, zhvilloi recetën e Coca-Cola.

Cili ishte qëllimi i Dr. Pemberton? Shurupi, i bazuar në ekstrakte bimore dhe arra kola (fara të një peme afrikane), supozohej të përdorej për të trajtuar dhimbjet e kokës.

Nga mjekësia tek pija famoze

Disa kohë më vonë, farmacisti i Atlantës vuri re se, duke shtuar sode, ilaçi i tij u bë një pije e këndshme dhe shuarëse e etjes. Kështu lindi pija më e famshme në botë, formula sekrete e së cilës ruhet me kujdes edhe sot në një kasafortë të një banke në Atlanta.

Versioni i parë i Coca-Cola përmbante gjithashtu një sasi të vogël të substancës narkotike nga bima e kokainës (kokainë), por në vitin 1903 ajo u hoq plotësisht falë një procedure të ngjashme me atë që përdoret për dekafeinimin e kafesë.

Coca-Cola ka lindur si ilaç për dhimbjen e kokës.

Gjithmonë ka pasur një atmosferë misterioze për përmbajtjen e pijes së njohur, por së fundmi gazetarja amerikane ”Ida Grass” pretendon se ka në posedim librin origjinal të recetave të nënshkruar nga John Pemberton, shpikësi i recetës.

Disa nga përbërësit janë: lëng koka, acid citrik, kafeinë, sheqer, ujë, një litër lëng gëlqereje, vanilje dhe po aq karamel sa për të dhënë ngjyrë. Më pas shtohen alkool dhe shije të ndryshme portokalli, limon, arrëmyshk, koriandër, kanellë dhe vaj neroli.

© SYRI.net

Lexo edhe:

Komentet

Shto koment

Denonco