Lajmi i fundit

Qëllohet me armë drejt makinës së një avokati në Memaliaj. Dyshimet e para

Ndryshimi i klimës shkatërroi jetën në Mars, si u zhduk uji?

Ndryshimi i klimës shkatërroi jetën në Mars, si u zhduk uji?

13:15, 20/07/2021
A+ Aa A-

Shkencëtarët e Nasës thonë se provat e jetës së hershme në Mars, janë “fshirë”, teksa sonda Curiosity e agjensisë amerikane të hapësirës zbuloi se disa pjesë të memories së gurtë të planetit të kuq, janë lëvizur.

Marsi ka një numër shumë të madh gurësh të lashtë e mineralesh krahasuar me Tokën, dhe për të mësuar diçka më shumë mbi historinë e planetit, Curiosity u dërgua në “zemrën” e tij, në Kraterin Gale. Krateri është tharë prej miliarda vjetësh dhe shkencëtarët kanë prova se uji i kripur depërtonte nëpër të çarat në fund të liqenit dhe ndryshonte mineralet poshtë tij.

Ata krahasuan kampionet e marra nga dy zona 400 metra larg nga njëra-tjetra dhe çuditërisht, zbuluan se gjysma e mineraleve argjilore që prisnin të gjenin në njërën prej tyre mungonte, ato ishin zëvendësuar me formacione të forta balte të pasur me okside hekuri, të cilat i japin Marsit ngjyrën e kuqe.

Ekspertët besojnë se arsyeja e zhdukjes është se uji i kripur u filtrua mes shtresave të mbivendosura të sedimenteve, të gjitha këto rezultate të ndryshimeve klimatike që pësoi planeti shumë kohë më parë.

Mendohet se rreth 3.8 miliardë vjet më parë, Marsi ka pasur liqene e mbase edhe një oqean dhe përgjithësisht, një lloj klime më të përshtatshme për të mbështetur format e jetës në sipërfaqe, raporton TCH.

Ka teori, sipas të cilave një lloj ngrohje globale që përcëlloi planetin e kuq mund të zhdukur jetën atje. Disa studime sugjerojnë se një goditje asteroidësh mund të ketë shkaktuar nxemjen e planetit të kuq, por një pjese e studiuesve ndajnë bindjen se përgjegjëse për këtë janë ciklet e ngrohjes së planetit.

© SYRI.net

Lexo edhe:

Komentet

Shto koment

Denonco