Shërbimet që mundësojnë lojëra të niveleve të larta pa pasur nevojë për t’i shkarkuar ato, si Microsoft xCloud dhe Google Stadia,nuk do të punojnë në iOS, konfirmoi Apple.

Apple u shpreh se këto shërbime lojërash dhunojnë termat dhe rregulloren e App Store, pasi u japin akses lojërave që kompania nuk mundet të vlerësojë vetë.

Gjiganti i teknologjisë tha se të gjitha aplikacionet do të vlerësoheshin sipas politikave të kompanisë dhe të gjitha ato që i shkelin nuk do të pranohen.

Microsoft pritet që të publikojë shërbimin e vetë të lojërave për Android dhe lajmëroi se ka ndaluar testimin e lojërave për versionin iOS.