Rusia planifikon të ndërtojë bazën e saj hapësinore kur ISS, stacioni hapësinor ndërkombëtar, të mos jetë më në gjendje shërbimi.

ISS ka qënë nën përdorim të vazhdueshëm nga astronautët që nga nëntori 2000 por për shkak të mbingarkimit strukturor ajo duhet të shkatërrohet në 2030.

Pas kësaj, Roscosmos planifikon të marrë modulet që ndërtoi për ISS dhe t’i përdorë si pjesë bazë për ndërtimin e stacionit të ri hapësinor, i cili kërkon një dekadë për tu ndërtuar.

Agjencia ruse tregon se qëllimi do të ishte përdorimi i stacionit të ri hapësinor për mbledhjen e fuqive nga mjetet hapësinore dhe rimbushjen e tyre me energji për t’i dërguar më larg në sistemin solar.