Në cilin nivel të apokalipsit jemi? Kjo është pyetja që po shtrojnë disa amerikanë në rrjetet sociale, pas lajmeve se në vend është shfaqur edhe një grerëz vrasëse.

Si për ta bërë më të tmerrshme situatën, edhe kjo grerëz vjen nga Azia.

Në një video virale, shihet se si kjo grerëz vret një mi, që është dy herë sa trupi i saj.

Prej nëntorit të shkuar, në SHBA dhe Kanada kanë nisur të shfaqen këto grerëza. Daily Mail shkruan se nuk dihet se si kanë mbërritur atje.

Grerëzat vrasëse janë të mëdha në trup dhe kanë një helm që përmban neurotoksinë, që mund të shkaktojë arrest kardiak dhe shok anafilaktik.