Peshku-luan helmues, specia më e rrezikshme e peshqve, është kthyer në një kërcënim për jetën detare vendase në Mesdhe.

Kjo specie, e parë fillimisht 8 vjet më parë në ishullin e Qipros, ka fletëza helmuese në ngjyra të kuqe, të bardha, krem apo të zeza.

Mesatarisht peshku-luan peshon 500g deri në një 1 kg dhe arrin gjatësinë 30-38,1 cm.

Tashmë popullsia e tyre po shumohet në mënyrë të frikshme në Mesdhe. Kjo kryesisht për shkak se numri i femrave e tejkalon ndjeshëm atë të meshkujve.

Ky shumim i shpejtë i species është kthyer në një kërcënim jo vetëm për jetën e detit në Mesdhe, por dhe për notarët e zhytësit.