Shumë pjesëtarë të stafit mjekësor po përballojnë disa nga ditët më të ëvshtira të karrierës së tyre, teksa luftojnë pandeminë e koronavirusit.

Por këto video tregojnë se edhe në momentet më të errëta, doktorët, infermieret dhe mjekët e ambulancave, po gjejnë mënyra për të ngritur moralin.

Stafi mjekësor përreth Mbretërisë së Bashkuar ka ndarë në rrjete sociale video të tyre duke kërcyer me kolegët në spitale për të mbajtur gjendjen emocionale lart.

Disa i kanë përdorur videot për të komunikuar mesazhe të rëndësishme për higjienën, ndërsa të tjerë kanë dashur vetëm të sjellin buzëqeshje në fytyrat e njerëzve.