Muzeu Metropolitan i Artit, ndoshta muzeu më i vlerësuar i artit në Amerikë, ka hequr dorë nga një antikitet i vjedhur nga koleksionet e tij të mëdha: Arkivoli i Arit i Nedjemankh.
Arkivoli i lashtë i praruar, i cili u mor nga Metropolitani në vitin 2017 dhe u paraqit në një ekspozitë të objekteve nga Egjipti i lashtë, është në rrugën e kthimit për në Egjipt, pasi u përcaktua se ishte një antikitet i plaçkitur.
Avokati i Qarkut në Manhattan Cyrus Vance Jr. dhe Ministri i Jashtëm i Egjiptit, Sameh Hassan Shoukry mbajtën një ceremoni riatdhesimi në New York të mërkurën për të treguar arkivolin e artë 2.100 vjeçar të një prifti të lashtë egjiptian të quajtur Nedjemankh.
Vance u tha gazetarëve se New Yorkerzët, janë veçanërisht të ndjeshëm në ruajtjen e trashëgimisë kulturore.
Ai përshëndeti bashkëpunimin midis prokurorëve të New York-ut me hetuesit e Homeland Security që çuan në rikuperimin dhe kthimin e arkivolit.
Marrë nga: usatoday.com-Përgatiti: F.H, Syri.net
© SYRI.net