Festivali i ‘Santa Marta de Ribarteme’ është një mundësi për ata që kanë mbijetuar nga përvojat shumë afër vdekjes dhe organizohet në mënyrë falënderimi për të gjithë të mbijetuarit që i drejtohen krijuesit me një falënderim për jetën e rifituar.
Festivali mbahet në rajonin veriperëndimor të Galicisë në Spanjë. Megjithëse shumica e këtyre arkivoleve mbajnë një trup, ‘kufomat’ janë të gjalla. "Është simbolikë e fitores së jetës mbi vdekjen," tha Alfonso Besada Paraje, prifti vendas.
Festivali i ‘Santa Marta de Ribarteme’, që mbahet çdo korrik në fshatin e vockël, është një mundësi për ata që kanë mbijetuar në përvojat e vdekjes së afërt për të falënderuar për mbijetesën.
Disa besojnë se festivali daton qindra vjet më parë, por origjina e tij mbetet misterioze. Sipas vendasve kjo metodë u praktikua fillimisht nga paganët, por nga Shekulli 12, me Kishën Katolike të etur për të eleminuar besimet pagane, ajo u përfshi me forcë dhe u bë pjesë e praktikave fetare të Krishtera.
Që nga ajo kohë, ajo që ishte tradicionalisht një çështje provinciale është përhapur në një festival të njohur ndërkombëtarisht, me mijëra spektatorë që mbushin rrugët e vogla të Santa Marta de Ribarteme çdo vit.
"Njerëzit vijnë nga e gjithë bota për të qenë dëshmitarë të këtij evenimenti", tha Besada Paraje.
Disa orë para se të shfaqen arkivolët, njerëzit mblidhen në kishën e Santa Martës. Brenda kishës, përfaqësimi i Santa Marta, i cili do të udhëheqë procesionin, qëndron pranë altarit, duke u marrë vazhdimisht me vizitorët që dëshirojnë të bëjnë respektin e tyre dhe që duan të jenë pjesë e këtij eventi.
Marrë nga: bbc.com-Përgatiti: F.H, Syri.net
© SYRI.net