Grumbulli më i madh i monedhave romake që u gjetën në Britani mund të ishte varrosur si pjesë e një rituali ceremonial, tha një ekspert pasi gjetja u cilësua zyrtarisht si thesar.

Ato i përkasin shekullit të katërt dhe u zbuluan nga dy amatorë, zbulues thesaresh. Besohet se kjo është shuma më e madhe e këtij lloji që gjendet në Britani. Zbulimi u bë në korrik 2017 pranë fshatit Rauceby në Lincolnshire nga 59-vjeçari Rob Jones dhe shoku i tij Craig Paul, 32 vjeç dhe që  nga e enjtja janë pjesë e thesarit të shtetit.

Arkeologu i Këshillit të Qarkut Lincolnshire Dr Adam Daubney tha se monedhat mund të jenë varrosur si pjesë e një rituali ceremonial.

"Monedhat u gjetën në një enë qeramike, e cila ishte vendosur në qendër të një grope të madhe ovale, të veshur me gur gëlqeror të gërmuar.

Ajo që gjetëm gjatë gërmimeve më bën të mendoj se monedhat nuk ishin aty për tu fshehur, por më tepër ishte ndoshta një ofertë ceremoniale ose kushtuese", tha ai.

Më shumë se 3,000 monedha të aliazheve të bakrit po shqyrtohen nga Muzeu Britanik dhe do të vlerësohen.

Si gjetja më e madhe e regjistruara e kësaj date nga Britania, ka rëndësi të madhe për studimin e këtij monedhe dhe të arkeologjisë së Lincolnshire. Monedhat u shpallën zyrtarisht thesar sipas Aktit të Thesarit 1996 në Gjykatën Lincoln Coroner të enjten.

Marrë nga: thetimes.co.uk- Përgatiti F.H, SYRI.net