FOTO/ Macet vrasëse, Australia planifikon të vrasë 2 milionë prej tyre

FOTO/ Macet vrasëse, Australia planifikon të vrasë 2 milionë prej tyre

12:41, 26/04/2019
A+ Aa A-

Janë të mrekullueshme dhe me një gëzof fantastik por ama ato janë armiku publik numër një në Australi.

Australia është në luftë me macet e egra. Deri në vitin 2020, qeveria dëshiron të vrasë dy milionë mace që lëvizin të lira, por që përfaqësojnë një të madhe të popullsisë totale të maceve të egra, që vlerësohet të jetë midis 2 dhe 6 milionë.

Disa zona të Australisë kanë shkuar edhe më tej. Në shtetin verilindor të Queensland, ekziston edhe një këshill që ofron një dhuratë prej $ 10 ($ 7) për kokën e një maceje të egër. Disa shoqata për kujdesin ndaj të drejtave për kafshët e ka quajtur mizori këtë vendim të shtetit australian.

Por ama ky problem nuk është vetëm për Australinë. Në Zelandën e Re fqinje, është e njëjta situatë për macet e egra të cilave po ashtu iu është shpallur luftë nga shteti.

Përse nuk pëlqehen këto mace? Përgjigjja është e thjeshtë: macet, sidomos ato të egra, janë vrasëse.

Macja e parë e këtij lloji është menduar të ketë ardhur në Australi në shekullin e 17-të. Që atëherë, numri i tyre ka rënë, ndërsa popullsia sot vlerësohet të mbulojë 99.8% të vendit.

Megjithëse macet e egra i përkasin të njëjtës specie si macet shtëpiake, macet e egra jetojnë në kushte edhe të egra në kuptimin se ato janë të detyruara të gjuajnë për mbijetesë.

Një lloj i rrallë kanguri është zhdukur thuajse plotësisht si rrjedhojë e pranisë së maceve të egra.

Që nga ato që u njohën fillimisht nga kolonët evropianë, macet e egra kanë ndihmuar në largimin e rreth 20 llojeve të gjitarëve në zhdukje, tha Gregory Andreës, komisioner kombëtar i llojeve të kërcënuara në Sydney Morning Herald.

Sipas Andreës, kjo i bën macet e egra kërcënimin më të madh për speciet vendase të Australisë.

Për macet, speciet vendase janë pre e lehtë. Ato besohet të vrasin më shumë se 1 milionë zogj vendas dhe 1.7 milionë zvarranikë në të gjithë Australinë çdo ditë, tha një zëdhënës i Departamentit të Mjedisit dhe të Energjisë të Australisë për CNN, duke përmendur kërkimet shkencore.

Disa nga speciet e tjera nën kërcënim nga macet përfshijnë lepurin, të cilin qeveria e klasifikon si të pambrojtur.

"Duhet të bëjmë zgjedhje për të shpëtuar kafshët që duam, dhe që na përcaktojnë si një komb, ka thënë studiuesi dhe madje ka theksuar se synimi i tyre nuk është aspak të vrasin këto kafshë për ndonjë arsye tjetër por vetëm për faktin se ndihen të detyruar”.

    Marrë nga: cnn.com- Përgatiti F.H, SYRI.net

    © SYRI.net

    Lexo edhe:

    Komentet

    Shto koment

    Denonco