Disa kohë më parë prestigjozja ‘The Telegraph’ i ka dedikuar një artikull të plotë vendit tonë ku edhe përshkruan karakteristikat që e bëjnë unik dhe që e dallojnë nga shtetet e tjera.

Shkrimi është bërë me rastin e festës së pavarësisë së Shqipërisë.

1. Çfarë është Shqipëria për shqiptarët?

Së pari dhe më kryesorja, shkruan ‘The Telegraph’, shqiptarët nuk e quajnë Shqipërinë, shtëpi, në vend të kësaj, Shqipëri është emri i kombit në gjuhën amtare.

2. Më shumë shqiptarë jetojnë jashtë vendit sesa brenda

Diaspora shqiptare është e gjerë, duke u shtrirë nga fqinjët e saj si Greqia dhe Turqia për në vende të tjera si SHBA dhe Kanada, aq shumë sa besohet se numri i shqiptarëve që jetojnë jashtë Shqipërisë është më i madh se popullsia e vendit prej gati 3 milionë. Qindra mijëra emigruan pas rënies së regjimit komunist në vitin 1991 dhe pas krizës ekonomike.

3. Ora nuk vlen për autobusat në Shqipëri

Autobusët shqiptarë dhe furgonat nuk kanë orar, ata largohen kur janë të mbushur plot me njerëz dhe kur mendojnë madje ata vetë se duhet të nisen.

4. Shqipëria ka vetëm një person fitues të Çmimit Nobel

Nënë Tereza, edhe pse e lindur kryeqytetin maqedonas, Shkup, ishte shqiptare. Ajo fitoi çmimin Nobel për Paqen në vitin 1979 për punën e saj duke ndihmuar të varfrit në Kalkuta, Indi.

5. Buzëqeshja dhe tundja e kokës kanë kuptime të tjera në Shqipëri

Shqiptarët tundin kokën majtas djathtas kur nënkuptojnë "jo" dhe tundin kokën nga lart poshtë kur thonë "po".

6. Ka qenë një ishull komunist

Në kuptimin që asnjë njeri nuk është një ishull, Shqipëria ishte një ishull. Vetëm një shtet komunist në një det të komunizmit. Republika Popullore e Shqipërisë u bë në vitin 1976 Republika Popullore Socialiste e Shqipërisë.

Vendi madje prishi marrëdhëniet me shumicën e fuqive komuniste të botës. Udhëheqësi (dhe diktatori) Enver Hoxha thyen lidhjet me BRSS, u tërhoq nga Pakti i Varshavës dhe pushoi marrëdhëniet me Republikën Popullore të Kinës.

Ai ishte gjithashtu vazhdimisht armiqësor ndaj Jugosllavisë fqinje.

7. Ajo ka shumë lule

Edhe pse e vogël, Shqipëria krenohet me më shumë se 3,250 lloje bimësh, të cilat përbëjnë 30 për qind të florës në Evropë.

Vendet më të mira për të parë gjendjen plot bimësi të vendit janë parqet e saj kombëtare, prej të cilave janë 15:

Llogaraja është më e mira për florën dhe faunën e gjallë, ndërsa Butrinti, një vend i Trashëgimisë Botërore Unesco, ofron vende arkeologjike që datojnë nga romakët.

8. ... por nuk ka medalje

Shqipëria nuk ka fituar kurrë medalje në Lojërat Olimpike. Ngjarjet e saj më të njohura janë peshëngritja, qitja dhe mundja.

9. Ajo ka akoma shumë fakte lidhur me bunkerët

Shqipëria është e mbushur me bunkerë. Janë mesatarisht 5.7 për çdo kilometër katror dhe më shumë se 750.000 në të gjithë vendin.

E ndërtuar nën udhëheqjen e diktatorit komunist Enver Hoxha, i cili ishte i frikësuar nga sulmet e armiqve të tij, shumica e bunkerëve nuk u përdorën dhe u braktisën kryesisht pas rënies së komunizmit, megjithëse një numër tani po vihet përdorim të mirë si shtëpi, kafene apo muze.

10.... Dhe një nga qytetet më të bukura të Evropës

Qyteti shqiptar i Beratit, dikur një qytet kufitar i Perandorisë Bizantine, mburret me një qytet të vjetër të ruajtur nga Unesco dhe u vlerësua si një nga vendet më të bukura në Evropë.

Marrë nga: ftelegraph.co.uk- Përgatiti F.H, SYRI.net