Plutoni u zbulua nga një fshatar 23-vjeçar pa diplomë në astronomi, i cili kaloi një javë duke krahasuar fotografitë e qiellit të natës.

Kur Clyde Tombaugh ndërtoi teleskopin e tij të parë në moshën 20 vjeçe, ai nuk mund ta dinte se po merrte rrugën që do ta çonte në zbulimin e pabesueshëm të Plutonit.

I lindur në vitin 1906 në Ilinois, familja e tij kishte një fermë. Por kur ishte i ri, një stuhi shkatërroi të korrat dhe shkatërroi shpresat e tij për të hyrë në kolegj.

Pasioni i tij për astronominë e bëri atë të ndërtojë një teleskop në moshën 20 vjeçare, pasi që ishte i pa kënaqur nga teleskopët që blinte në dyqan.

Me teleskopin shtëpiak, Clyde bëri vërejtje të hollësishme të Jupiterit dhe Marsit, të cilin ai e dërgoi në Observatorin e Loëell, për të marrë mendime nga astronomët profesionistë.

I riu iu ofrua një pozicion në Observator, i cili kërkonte një astronom amator që të punonte me teleskopin fotografik në kërkim të, planetit misterioz X.

Ekzistenca e planetit X është dyshuar për disa dekada, pas zbulimit të Uranit dhe Neptunit dhe vëzhgimit konsekuent të lëvizjeve të tyre.

Tombaugh, kur filloi punën në vitin 1929, u bashkua në kërkimin për planetin që mungonte.

Teleskopi ishte i pajisur me një aparat fotografik, për të marrë dy fotografi të qiellit në ditë të ndryshme.

Një mekanizëm bëri të mundur kalimin nga një foto në tjetrën shpejt, për të vlerësuar çdo ndryshim.

Ndërsa yjet dhe galaktikat nuk ndryshojnë pozicionin, çdo trup qiellor më i afërt mund të ishte identifikuar në këtë mënyrë.

Pas një jave studimi të fotografive, më 18 shkurt 1930, i riu vuri re se diçka po lëvizte. Më 13 mars, pas disa studimeve u dha konfirmimi, Observatori Loëell njoftoi zyrtarisht planetin e nëntë.

Emri u sugjerua nga një vajzë angleze, pasi stafi i observatorit i kishte kërkuar botës këshillë. Plutoni konsiderohej një emër i përshtatshëm, sepse planeti i errët dhe i largët nuk ishte aq i ndryshëm nga perëndia greke e botëve nëntokësore.

Për 70 vjet, Plutoni mbeti një planet, por kur instrumentet astronomike u bënë edhe më të sakta, mund të shihej se, në realitet, ai është një planet xhuxh.

Tombaugh bëri karrierë dhe gjithashtu u bë profesor i astronomisë. Misioni i Horizonit të Ri sjell një pjesë të hirit të tij në Pluton (dhe më gjerë) në udhëtimin e tij përmes Sistemit Diellor.

Marrë nga: focus.it- Përgatiti F.H, SYRI.net