‘Apple’ do të jetë afër mbylljes së marrëveshjeve me ‘Hbo’, ‘Showtime’ dhe ‘Starz’ për të siguruar filma dhe seri televizive për të ofruar së bashku me përmbajtjen e saj origjinale edhe shërbimin televiziv me abonim, i cili sipas thashethemeve do të fillojë më 25 mars.

Shërbimi i transmetimit të TV-ve do të bazohet në dy drejtime: nga njëra anë programet e financuara, të blera ose të zhvilluara nga ‘Apple’, dhe nga ana tjetër programet e kompanive të jashtme.

‘Apple’ do të jetë në bisedime, ndër të tjera, me operatorin ‘AT & T’ i cili është pronar i ‘Hbo’, me ‘CBS’ dhe rrjetin e tij ‘Shoëtime’, dhe me ‘Starz’, kanalin kabllor premium në pronësi të ‘Lions Gate Entertainment’.

Të paktën disa marrëveshje, sipas burimeve, duhet të mbyllen deri të premten.

‘Apple’ kohët e fundit ka njoftuar shtypin për një ngjarje të planifikuar në ‘Apple Park’ në Cupertino të Kalifornisë, më 25 mars.

Veprimtaria pritet të paraqesë dy shërbime të abonimit: një i përqëndruar në përmbajtjen audio-vizuale, një rivale e ‘Netflix’ dhe një e dedikuar për informacion, me një seksion të paguar të ‘Apple News’.

Shërbimi i transmetimit të TV-së, sipas dy analistëve Wedbush, mund të arrijë në 100 milionë abonentë brenda 3-5 viteve, gjë që do të përkthehej në të ardhura vjetore prej 7-10 miliardë dollarë.

Marrë nga: ansa.it- Përgatiti F.H, SYRI.net