Gjyq mes kompanive gjigante Apple dhe Spotify, kjo është arsyeja

Gjyq mes kompanive gjigante Apple dhe Spotify, kjo është arsyeja

11:01, 14/03/2019

Spotify akuzon Apple për abuzimin me kontrollin e aplikacioneve që shfaqen në App Store, duke kufizuar në mënyrë efektive shërbimet e muzikës që konkurrojnë me Apple Music.

Ankesa e Spotify u paraqit në Bashkimin Evropian. "Në vitet e fundit, Apple ka prezantuar rregulla për të kufizuar zgjedhjen dhe ka bllokuar inovacionin në dëm të përvojës së klientëve", thotë CEO i Spotify Daniel Ek, në blogun e kompanisë.

"Apple kërkon që Spotify dhe shërbimet e tjera digjitale të paguajnë një tarifë prej 30% për blerjet e bëra përmes sistemit të pagesave të Apple, duke përfshirë përmirësimin e shërbimit tonë Premium", shpjegon Ek, duke theksuar se duke paguar këtë tarifë ne do të detyrohemi duke rritur në mënyrë artificiale çmimet për abonimet tona të Premium-it padyshim mbi çmimin e Apple Music dhe për të mbajtur çmimet tona konkurruese për konsumatorët, kjo është diçka që nuk mund ta bëjmë ".

"Nëse zgjedhim të mos e përdorim sistemin e pagesave të Apple, Apple pastaj zbaton një numër kufizimesh për Spotify-in.

Për shembull, kufizon komunikimet tona me klientët. Në disa raste nuk lejohen as edhe të dërgojnë email tek klientët tanë duke përdorur Apple "shton Ek.

"Ne nuk duam asnjë trajtim të veçantë. Ne thjesht duam të njëjtin trajtim si shumë aplikacione të tjera në App Store, të tilla si Uber dhe Deliveroo, të cilat nuk janë subjekt i taksës së Apple dhe prandaj nuk kanë të njëjtat kufizime".

Marrë nga: ansa.it- Përgatiti F.H, SYRI.net

© SYRI.net

Lexo edhe:

Komentet

Shto koment