Qyteti i Fierit është tronditur sot nga vetëvrasja e një gruaje. Një 70-vjeçare është hedhur nga kati i katërt i pallatit në lagjen "8 shkurti" dhe ka gjetur vdekjen e menjëhershme.

Policia e Fierit informoi paraprakisht se në datën 2 shtator 2017, rreth orës 10:40, në urgjencën e spitalit Fier, është sjellë me ambulancë e vdekur shtetasja H.R, 70 vjeçe, banuese në lagjen “8 Shkurti” Fier, e cila është hedhur nga kati i katërt i pallatit ku banon.

Grupi hetimor po punon për zbardhjen e kësaj ngjarjeje.