Ekspertiza për vrasjen e Egli Progës duket se ka konfirmuar edhe një detaj tronditës.

Në ekspertizë thuhet se ai ka ndërruar jetë nga hemorragjia në tru, e cila ka ardhur nga goditja me grusht dhe përplasja në makinë.

Mbrëmjen e kaluar, motra e Egli Progës, e ftuar në emisionin ‘Opinion’ zbardhi këtë histori tronditëse.

Ajo tha se makina e bardhë që shihet në video i përket njërit prej bashkëautorëve të krimit.

Policia ka rrethuar zonën, por një nga autorët e krimit vendos të lëvizë makinën nga vendi i ngjarjes, duke i sjellë përplasjen e kokës në tokë Egli Progës.

Gjithçka ndodh në sytë e policisë, ndërsa autorët e krimit të rëndë vazhdonin të pinin kafe aty ku ka ndodhur ngjarja tronditëse.

Motra e Egli Progës tha se makinën e ka lëvizur Arjan Manellari.

Një zyrtar i lartë policie, i cili ndodhej përballë motrës së Egli Progës, nuk i dha dot përgjigje kësaj akuze kaq të rëndë.

Motra e Egli Progës po ashtu konfirmoi se vëllai i saj u vra pse nuk pranoi të paguante gjobën për bandën e socialistëve në Pogradec.