Gjykata e Tiranës ka liruar nga qelia 28-vjeçarin Endri Nika, i cili u arrestua të shtunën e kaluar pas vetëvrasjes së efektives së policisë Aldorjana Loshi.

Ndaj tij u ngrit akuza nga polici për veprën penale "Veprime që pengojnë zbulimin e së vërtetës".

Pas kërkesës së avokatit mbrojtës për zbutje të masës së sigurisë, gjykata vendosi të lërë në “arrest shtëpie”.

Endri Nika, sipas policisë, ditën e ngjarjes ka shkuar në banesën e Aldorjana Loshi dhe pasi ka njoftuar policinë për ngjarjen e ndodhur, ka fshirë mesazhet me të në telefonin e saj.

Avokati i tij kërkoi në seancë kërkoi “detyrim paraqitje”, megjithatë gjykata vendosi ta lërë në arrest shtëpie.