Prokurori i Përgjithshëm, Olsian Çela, ka shmangur komentet mbi përplasjen midis kreut të Partisë së Lirisë, Ilir Meta dhe drejtuesit të SPAK, Altin Dumani. Çela tha se deklarata e KLP si institucioni që mbron pavarësinë e prokurorëve është mëse e mjaftueshme. Ndërsa në raportimin para Këshillit të Lartë të Prokurorisë, Çela vuri në dukje se ka mungesë të prokurorëve në disa prokurori të vendit.
Nga SYRI TV
Prokurori i Përgjithshëm, Olsian Çela ka shmangur komentet mbi përplasjen në distancë midis kreut të Partisë së Lirisë, Ilir Meta dhe drejtuesit të Prokurorisë së Posaçme, Altin Dumani. i pyetur nga gazetarët pas raportimit vjetor para KLP për punën vjetore të institucionit që drejton në lidhje me këtë përplasje, Çela nuk kishtë asnjë koment.
Në raportimin e tij para Këshillit të Lartë të Prokurorisë, Olsian Çela u shpreh se prokuroritë e juridiksionit të përgjithshëm në vend kanë mangësi, duke qenë se ka prokurorë më pak sesa struktura kërkon.
Drejtuesi i Prokurorisë së Përgjithshme foli dhe për ndryshimet në kodin penal. Olsian Çela tha se ndryshimi i tij është i parakohshëm në kushtet që ndodhet sistemi drejtësisë në Shqipëri.
© SYRI.net