Lajmi i fundit

E rëndë/ U rrah barbarisht nga tre persona, avokati Mëngjesi futet në intubim

Dhuna pas ndeshjes Erzeni-Partizani, procedohen penalisht 4 futbollistë

Dhuna pas ndeshjes Erzeni-Partizani, procedohen penalisht 4 futbollistë

13:52, 17/04/2024
A+ Aa A-

Policia ka nisur procedimin penalisht për 4 lojtarë të skuadrave të Erzenit dhe Partizanit, pasi akuzohen se u konfliktuan fizikisht dhe dëmtuan ambientet e dhomave të zhveshjes. Ngjarja ndodhi dje pas ndeshjes mes dy skuadrave.

NJOFTIMI I POLICISE

U konfliktuan fizikisht dhe dëmtuan ambientet e dhomave të zhveshjes, pas përfundimit të ndeshjes së futbollit “Erzeni-Partizani”, procedohen penalisht 4 lojtarë të 2 ekipeve të kategorisë U-21.

Në përfundim të veprimeve procedurale të kryera për konfliktin e ndodhur ditën e djeshme, rreth orës 14:00, ndërmjet lojtarëve të ekipeve të kategorisë U-21, “Erzeni” dhe “Partizani”, pas përfundimit të ndeshjes së futbollit ndërmjet tyre, në fushën sportive “Tofik Jashari” (aktivitet për të cilin nuk ishte njoftuar Policia), ju informojmë se:

Shërbimet e Komisariatit të Policisë Shijak kanë referuar materialet në Prokurori, ku ka nisur procedimi në gjendje të lirë, për veprat penale “Plagosja e lehtë me dashje”, “Dëmtime të tjera me dashje”, “Shkatërrimi i pronës” dhe “Prishja e qetësisë publike”, për 4 lojtarë të 2 ekipeve të futbollit, konkretisht shtetasit J. H., 20 vjeç, R. Ç., 20 vjeç, J. S., 18 vjeç dhe M. D., 22 vjeç.

Pas përfundimit të ndeshjes, këta shtetas janë konfliktuar fizikisht me njëri-tjetrin dhe kanë dëmtuar ambientet e dhomave të zhveshjes.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

© SYRI.net

Lexo edhe:

Komentet

Shto koment

Denonco