Një ngjarje e rëndë ka tronditur pak ditë më parë Kroacinë, ku si pasojë e një aksidenti të trefishtë, humbën jetën vëlla e motër, 21 dhe 19 vjeç, kroatë.

Aksidenti sipas mediave kroate është shkaktuar nga një parakalim i gabuar nga shqiptarja 29-vjeçare  Klevisa Ymera, e cila dyshohet se ishte duke ecur me rreth 170 km/orë.

 ‘Ndërroi jetën luksoze me burgun’, shkruajnë mediat vendase, ndërsa  pasqyrojnë dhe jetën e saj që postonte në Instagram, duke treguar se pëlqente makinat e shtrenjta dhe jetën luksoze.

Tashmë ajo ndodhet në paraburgim, e pas disa javësh pritet që të jepet vendimi nga gjykata.