Një banesë është përfshirë nga flakët ditën e sotme në qytetin e Vlorës, ndërsa dyshohet se për pasojë një person ka ndërruar jetë.
Ende nuk dihen shkaqet e zjarrit, ndërsa raportohet se forcat zjarrfikëse janë nisur drejt vendngjarjes.
Ngjarja ka ndodhur ne zonen e njohur si 'Omonia'.
Policia e Vlorës/ Informacion paraprak
Rreth orës 18:00, në lagjen “28 Nëntori”, dyshohet se aksidentalisht ka rënë zjarr në banesën e shtetases S. Zh., ku si pasojë e dëmtimeve të shkaktuara nga flakët, ka humbur jetën, brenda në banesë, vëllai i saj shtetasi G. R., 74 vjeç, (tetraplegjik).
Grupi hetimor po punon për përcaktimin e shkakut të rënies së zjarrit.
© SYRI.net