Një person i diplomuar për arte në Shqipëri, u gjet duke u kujdesur për kanabisin në një pronë në Angli.

Rasti ka bërë bujë në mediat britanike.

Aktivitetet e Kleon Zenelit dolën në dritë vetëm për shkak të një kontrolli rutinë të pronës nga një agjent i pasurive të patundshme në adresën në fjalë.

Gjykata dëgjoi se agjenti vizitoi shtëpinë më 14 dhjetor të vitit të kaluar. Chris Morrison, prokuror, tha se i pandehuri u gjet në papafingo, ku po kultivohej kanabis, me bimë të tjera të gjetura në dy dhoma gjumi në katin e sipërm, ku kishte edhe pajisje të ndryshme kultivimi.

Agjenti thirri policinë që arrestoi të pandehurin. Një total prej 50 bimësh u gjetën, të gjitha midis 1 dhe 2 metra lartësi.

Zeneli nuk u përgjigj pyetjeve të policisë se pse ishte aty dhe çfarë po bënte. Morrison tha se konsiderohej se ishte “një operacion i drejtuar në mënyrë efikase”. I pandehuri, 24 vjeç, u tha se ishte një shtetas shqiptar dhe qëndrimi i tij ishte i paligjshëm në Britaninë e Madhe.

Morrison tha se asgjë nuk dihej për jetën e tij të mëparshme, por ai nuk ka asnjë dënim të mëparshëm në Angli. Zeneli u deklarua fajtor si për prodhimin e një droge të klasit B dhe për lidhje të paligjshme të energjisë elektrike, kur u paraqit para gjykatësve më 19 janar. Çështja e të pandehurit, i cili është në paraburgim në burgun e Durhamit që nga momenti i arrestimit, është dërguar në gjykatën e kurorës.

Avokatja e shqiptarit tha se i pandehuri po vepronte nën drejtimin e të tjerëve dhe nuk kishte asnjë përfitim financiar, përveç përmbushjes së borxhit ndaj trafikantëve të tij.

I pandehuri po përfitonte financiarisht nga operacioni duke i paguar ardhjen e tij në Angli “kriminelëve që e ndihmuan që ai të vinte në MB”.