Alma Kaçi tha në një lidhje telefonike për emisionin “Review” në Euronews Albania se në momentin që kreu aktin seksual me Safet Gjicin, nuk kishte pasur presion nga ana e kryebashkiakut.

Ajo tha se asaj i ishte besuar një mision, pasi nuk ishte gruaja e parë që kryente të tilla akte në zyrën ku Gjici ushtronte funksionin e tij si kryebashkiak.

“Nuk jam as e para, as e fundit që e kam bërë atë që gjë në atë zyrë. Nuk pati presion, unë kisha një mision për të kryer. Ai ka qenë tip flirtuesi, kur u bë videoja ishte takimi i dytë. Në takimin e parë kuptova që ky ishte tip flirtuesi. Me femra të panjohura fare ai fillonte direkt flirtimet”, tha Alma Kaçi.

Alma Kaçi tha se e vërteta është se ajo nuk kishte shkuar në zyrën e Safet Gjicit, për të përfituar tender, por për të demaskuar atë që ndodhte në zyrën ku Gjici kryente funksionin e tij si kryebashkiak. Sipas saj ajo shkoi atje për një emision investigativ. (FIKS FARE)

“Kam shkuar për një emision investigativ. Nuk ka qenë vetëm pjesa e tenderave, por për abuzimin në zyrë. Si e përdorte kryetari zyrën? Tenderi ishte thjesht një fabul. Si mund ta merrja unë tenderin? Unë u pezantova me mbiemër tjetër. Pasi kisha realizuar qëllimin, unë nuk kisha qëllim as të merrja tender e as projekt. Nuk ishte ky motivi, unë nuk jam shoqatë që të marr tendera”, tha Alma Kaçi duke pretenduar se akuzat e bëra kundër saj për korrupsion aktiv, janë të padrejta.

Alma Kaçi, e akuzuar për korrupsion aktiv lidhur me një video-skandal ku duket se në këmbim të një tenderi ajo i ofron favore seksuale ish-kryebashkiakut Safet Gjici, tha se në të vërtet ajo ka qenë duke bërë një investigim. Kaçi tha se ajo ka qenë e punësuar nga një emision investigativ për të parë abuzimet që ndodhnin nga kryebashkiaku në zyrë.

E pyetur se përse materialin filmik ia ka dhënë Abedin Oruçit, para se ta niste te emisioni investigativ ajo u përgjigj:

“Unë ia kam dhënë se doja të shikonim bashkërisht materialin që kisha arritur të filmoja. Më pas ai ma ka marrë kartën me forcë”, tha Alma Kaçi.

Protagonistja e video-skandalit të ish-kryebashkiakut Safet Gjici, e cila pretendon se aktin seksual në zyrën e Bashkisë së Kukësit, e kreu për shkak të një emisioni investigativ, tha në emisionin “Review” në Euronews Albania se në lidhje me akuzat e ngritura nga SPAK, si ajo, edhe Gjici janë të pafajshëm.

Kaçi pretendon se për akuzat e ngritura, ata janë të pafajshëm, pasi korrupsion nuk ka pasur.

“Përderisa kanë dalë akuzat “korrupsion aktiv”, “korruspsion pasiv” edhe unë edhe zoti Gjici jemi të pafajshëm. Këtu nuk ka korruspion. Në kuadër të fjalës është e pamundur të ndërtohet një akuzë. Ajo ka qenë një bisedë. nuk është dorëzuar asnjë projekt. Nuk është dhënë e nuk është marrë asnjë fond. Normalisht edhe ai edhe unë jemi të pafajshëm. Abuzimi me detyrën ëhstë tjetër, por për këto akuza jemi të pafajshëm”, tha Alma Kaçi.