Policia ka dhënë detaje në lidhje me grabitjen e ndodhur në një argjendari në Kamëz.
Sipas të dhënave të para, autorët dyshohet se kanë pasur një automatik me vete dhe pas grabitjes janë larguar me një makinë BMW.
Policia e Kamzës/ Informacion paraprak
Më datë 28.11.2023, rreth orës 17:15, në rrugën ‘Nënë Tereza’, tre persona të maskuar, nën kërcënimin e një sendi të dyshuar si armë zjarri automatik, kanë marrë disa bizhuteri në argjendarinë e shtetases E. S., dhe më pas janë larguar me një automjet tip ‘BMË’.
Shërbimet Policisë kanë shkuar menjëherë në vendngjarje.
Janë ngritur pikat e përkohshme të kontrollit në qarqet Tiranë, Durrës, Lezhë, Kukës dhe Shkodër.
Për këtë rast është krijuar një grup i posaçëm hetimor me specialistë të strukturave të posaçme të luftës kundër krimeve të rënda.
Grupi hetimor mbi bazën e të dhënave të administruara po punon për zbardhjen e dokumentimin e autorësisë të kësaj ngjarje.
© SYRI.net