Një argjendari është grabitur mbrëmjen e sotme në Kamëz.
Mësohet se grabitësit kanë arritur të grabisin një sasi floriri ndërsa sipas Komisariatit Numer 5 dyshohet se kanë qenë 3 autorë të cilët kanë arritur të marrin bizhuteritë të cilat kanë qenë në tavolinë.
Gazetarja e SYRI TV, Bleona Sari bën me dije se në vendin e ngjarjes janë forcat e policisë për të bërë të mundur zbardhjen sa më të shpejtë të grabitjes dhe ndalimin e autorëve.
Kamëz/Informacion paraprak
Më datë 28.11.2023, rreth orës 17:15, në rrugën “Nënë Tereza”, tre persona të maskuar, nën kërcënimin e një sendi të dyshuar si armë zjarri automatik, kanë marrë disa bizhuteri në argjendarinë e shtetases E. S., dhe më pas janë larguar me një automjet tip "BMW".
Shërbimet Policisë kanë shkuar menjëherë në vendngjarje.
Janë ngritur pikat e përkohshme të kontrollit në qarqet Tiranë, Durrës, Lezhë, Kukës dhe Shkodër.
Për këtë rast është krijuar një grup i posaçëm hetimor me specialistë të strukturave të posaçme të luftës kundër krimeve të rënda.
Grupi hetimor mbi bazën e të dhënave të administruara po punon për zbardhjen e dokumentimin e autorësisë të kësaj ngjarje.
Foto nga vendi i ngjarjes:
© SYRI.net