Policia e Kosovës ka arrestuar në pikën kufitare të Vermicës, një 33-vjeçar nga Shqipëria me iniciale R.N, pasi e kishte shpallur në kërkim pas kapjes së 4700 eurove të falsifikuara më 22 maj.
“Sot, më 17qershor 2023, njoftoi Policia e Kosovës, falë bashkëpunimit me Policinë Kufitare, në pikën e kalimit kufitar në Vërmicë, në ora 2:00 është ndaluar i dyshuari R.N, lindur në 1990, shtetas i Shqipërisë).
Ai dyshohej dhe ka qenë në kërkim policor lidhur me rastin e datës 22 maj 2023. Ndaj tij është iniciuar rasti “falsifikimi i parave” dhe pas intervistimit në prrani të avokatit mbrojtës, me vendim të prokurorit është dërguar në mbajtje deri në 48 orë.”
Por, çfarë lidhjeje ka i arrestuari me rastin e 22 majit?
“Më 22 maj 2023, falë bashkërendimit midis hetuesve policorë nga Drejtoria për Hetimin e Trafikimit me Narkotik dhe atyre nga Drejtoria për Hetimin e Krimeve Ekonomike dhe Korrupsionit, u arrestua një i dyshuar për “‘falsifikim të parave”.
Konkretisht, u sekuestruan 94 copë kartëmonedha me vlerë 50 euro secila (94 x 50 = 4700 euro), të cilat dyshohej se ishin të falsifikuara. Gjatë hetimit, hetuesit policorë u vunë në kërkim edhe të personave të tjerë të dyshuar për përfshirjen në këtë vepër./ar.sh/SYRI.NET
© SYRI.net