Kontrolli i Lartë i Shtetit në një auditim të kryer në Qendrën Spitalore Universitare Nënë Tereza, ka hasur shkeljen e ish drejtorit të këtij institucioni, Enkelejd Joti, në lidhje me punësimin e një auditueseje të brendshme në kundërshtim me ligjin.
Emërimi i Elsida Caushllarit është kryer në datë 1.07.2021, ndërsa kontrata është nënshkruar me afat të pacaktuar.
Në raportin e KLSH shkruhet se për këtë punësim nuk është bërë deklarim për vende të lira pune në zyrën e punës në Tiranë, mungon dokumentacioni i kërkuar nga QSUT për këtë pozicion, ndërsa punonjësja nuk ka certifikatën “auditues i brendshëm në sektorin publik” lëshuar nga ministria e financave dhe përvojën 5 vjeçare.
Çaushllari ka të deklaruar vetëm një eksperiencë pune si juriste nga viti 2013, deri në vitin 2020.
“Në opinionin e grupit të auditimit, ky rast është shkelje e rëndë e legjislacionit në fuqi dhe përbën shkelje flagrante të zbatimit të ligjit”- thotë KLSH.
© SYRI.net