Është zbardhur dëshmia e 24-vjeçarit që vrau nënën mbrëmjen e djeshme.
Para uniformave blu, Albi Muhollari ka pranuar krimin e kryer.
Po ashtu ai ka deklaruar se ajo që ka bërë është e pafalshme dhe se e meriton të ndëshkohet.
‘Ishte një moment delikat, unë meritoj të ndëshkohem maksimalisht, është i pafalshëm', tha Muhollari.
Si ndodhi krimi i rëndë:
Çifti Muhollari dhe djali i tyre kishin rreth 4 ditë që ishin kthyer nga Amerika në Përmet për të kaluar pushimet verore. I biri, 24-vjeçari Albi Muhollari dyshohet se për shkak të gjendjes së tij depresive, mbyti të ëmën me plastmas.
Për ngjarjen e rëndë i ati bën fajtor doktorin e spitalit të Përmetit, i cili nuk e mbajti të birin të shtruar aty. Mesa duket, të dy kanë qenë në dijeni të gjendjes shëndetësore të të birit dhe u përpoqën ta ndihmojnë që të kurohej. Megjithatë, duke qenë se doktori nuk e mori përsipër rastin, as policia nuk e merrte dot pasi do duhej firma e mjekut.
Krimi i rëndë në familje ndodhi mbrëmjen e së shtunës, 3 qershor 2023, mes tyre dhe djalit ka pasur një debat që përfundoi në tragjedi.
Ndërkohë, spitali i Përmetit nuk i është përgjigjur të atit të autorit për t’i bërë gjilpërë këtij të fundit që të qetësohej.
© SYRI.net