Një shpërthim me tritol ka tronditur Tiranën mbrëmjen e kësaj të enjte.
Lënda plasëse ishte vënë jashtë një biznesi fasonerie në zonën e Freskut.
Biznesi është në procesi të një investitori italian, R.B, ndërsa fatmirësisht nuk raportohet për persona të lënduar.
Në vendin e ngjarjes ka mbërritur me urgjencë edhe Drejtori i Përgjithshëm i Policisë së Shtetit, Muhamet Rrumbullaku.
Njoftimi i Policisë
Më datë 25.05.2023, rreth orës 21:50, në rrugën “Fadil Deliu”, në portën e jashtme të një fasonerie në pronësi të shtetasit Italian R. B , dyshohet se ka shpërthyer një sasi e vogël lëndë plasëse.
Si pasojë është dëmtuar dera e jashme e hekurit, thyer disa xhama dhe një automjet që ka qënë i parkuar. Nuk ka persona të dëmtuar.
Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorit/eve.
© SYRI.net