Dan Hutri, rreth 40 vjeç, është personi më i kërkuar në vend, pasi këtë të mërkurë vrau 3 gra dhe plagosi 3 të tjera.
Rreth orës 12:30, në rrugën “Rustem Haklaj”, në Kodër-Kamzë, Dan Hutra ka plagosur me armë zjarri shtetaset Elena Hysa, 35 vjeçe, dhe Kujtime Hysa, 60 vjeçe (ish-bashkëjetuesja e tij dhe nëna e saj) dhe ka vrarë me armë zjarri, Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses Elena Hysa).
Në banesën e familjes Hysa në Kodër Kamëz janë hapur dyert e mortit.
Pranë banesës, brenda një automjeti është gjetur edhe një nga viktimat e plumbave të Hutrit siç duket në foton që ka siguruar Syri.net.
Një nga viktimat ka vrapuar për t'i shpëtuar plumbave, por Dan Hutra e ka ndjekur dhe e ka qëlluar nga pas me armë zjarri brenda në makinë duke i marrë jetën.
Sakaq, saga e krimeve të Dan Hutra nuk mjafton me kaq.
Në zonën e Astirit ai ka plagosur me thikë ish-bashkëjetuesen e tij Marjana Gurakuqi.
Ndërsa më pas ka shkuar në drejtim të Bathores ku ka qëlluar për vdekje 31-vjeçaren Etleva Kurti, motra e Vladimir Kurtit i dënuar me burgim të përjetshëm për vrasjen e pronarit të marketit në Kamëz, Agim Buçi.
Autori i vrasjes së katër grave është arrestuar për dhunë në familje në datën 16.06.2022, dhe është liruar me datë 16.02.2023.
Më parë, ai ka qenë i dënuar për vrasjen e bashkëshortes së tij, ngjarje e ndodhur në vitin 2007, në Kukës.
Nuk dihet ende se si është liruar nga burgu Dan Hutra kur për vrasjen e kryer në vitin 2007 është dënuar me 24 vite burg.
© SYRI.net