Rënia e ashensorit nga kati i 5-të/ ISHMT: Pësoi defekt nga mbingarkesa, ishte i paregjistruar

Rënia e ashensorit nga kati i 5-të/ ISHMT: Pësoi defekt nga mbingarkesa, ishte i paregjistruar

16:54, 07/02/2023
A+ Aa A-

Rënia e ashensorit nga kati i pestë në një pallat në Astir për pak sa nuk u kthye në tragjedi. Ngjarja ndodhi në rrugën "Teodor Keko" në një objekt banimi shumëkatësh. 

Inspektorati Shtetëror i Mbikëqyrjes së Tregut ka reaguar një ditë pas incidentit duke sqaruar se ashensori i cili pësoi defekt, nuk ishte i regjistruar pranë organit përkatës dhe nuk kishte certifikimin e duhur.

Pas hetimit të kryer nga ky institucion, është dalë në konkluzionin se ashensori ka pësuar defekt për shkak të mbingarkesës.

Sipas ISHMT-së, ashensori ishte vendosur në punë që prej vitit 2012, por nuk ishte kryer kurrë regjistrimi nga ana e personave përgjegjës të kësaj ndërtese.

Reagimi
Në lidhje me incidentin e ndodhur mbrëmjen e datës 06.02/2023 në ashensorin në adresë: Rruga “Teodor Keko”, Njësia 14, pallati 18/67, nga ana e Inspektoriatit Shtetëror të Mbikqyrjes së Tregut është bërë inspektimi i menjëhershëm duke kryer verifikimet paraprake, prej të cilave rezultoi se,

a) Ashensori ka pësuar difekt gjatë funksionimit të tij në kushtet e mbingarkesës me një numër më të madh personash, përtej ngarkesës nominale. Ky incident nuk shkaktoi pasoja të rënda në shëndetin e personave.

b) Ky ashensor nuk rezulton i regjistruar pranë Inspektoriatit Shtetëror të Mbikqyrjes së Tregut.

Referuar legjislacionit të kësaj fushe, personi përgjegjës mbi funksionimin e ashensorit (ndërtuesi ose administratori i pallatit) ka detyrimin ligjor për të bërë regjistrimin e tij. Por në rastin konkret nuk ka një aplikim pranë ISHMT-së për regjistrim, ndërkohë që ashensori ka qënë në funksionim që nga viti 2012.

Nga ana e e personave përgjegjës (ndërtuesi ose administratori i pallatit) për këtë ashensor nuk ishte kryer ndonjëherë vlerësimi i konformitetit (çertifikimi) nga një Organ i Miratuar për Vlerësimin e Konformitetit(OMVK) .

Parashtrojmë se në kushtet kur një ashensori nuk i bëhet vlerësimi i konformitetit me rregullat teknike nga një organizëm OMVK, dhe kur nuk bëhet regjistrimi i tij pranë ISHMT-së duke mos ju nënshtruar në vijim inspektimeve periodike, ashensori realisht konsiderohet i pasigurt dhe nuk lejohet të vihet në përdorim.

c) Në momentin e inspektimit të menjëhershëm nga ISHMT, ashensori i lartpërmendur ishte rivendosur në punë nga personat përgjegjës.

d) Në këto kushte nga ana e inspektorëve u morën masat urgjente e heqjes nga funksionimi i ashensorit deri në mënjanimin e gjithë të metave teknike të konstatuara, duke përfshirë për këtë edhe një Organ të Miratuar për Vlerësimin e Konformitetit .

© SYRI.net

Lexo edhe:

Komentet

Shto koment

Denonco