Naim Hasani avokat që jeton e punon prej vitesh në Britaninë e Madhe në një intervistë për Ora News foli ldhur me situatën e emigrantëve shqiptar në Britaninë e Madhe.

Hasani tha se ka pasur një rënie të madhe të numrit të emigrantëve që shkojnë në mënyrë të jashtëligjshme në Britaninë e Madhe nga Shqipëria e ndikuar kjo dhe nga fushata e qeverisë.

Naim Hasani: Duke parë fushatën e qeverisë britanike për tu marrë me shqiptarët dhe për të frenuar sa më shumë të jetë e mundur emigrantët shqiptarë kemi parë një rënie të madhe të numrit të emigrantëve shqiptarë që kanë ardhur në mënyrë të paligjshme. Dhe kushtet atmosferike nuk favorizojnë ardhjen me gomone. Është një retorikë e fortë kundër emigrantëve.

Sipas avokatit sa herë qeveria britanike është në vështirësi elektorale emigrantët përdoren "për të larguar vëmendjen nga situata".