Një aksident me pasojë vdekjen e një personi ka ndodhur këtë mbrëmje tek rrethrrotullimi i Koplikut.
Martin Lulaj 38 vjeç duke drejtuar një mjet tip Opel, ka humbur kontrollin e mjetit duke dalë nga rruga.
Për pasojë 38-vjeçari pësoi dëmtime të rënda ndërsa mësohet se ka ndërruar jetë rrugës për në spital.
Grupi hetimor dhe policia ndodhen në vendngjarje për të zbardhur shkaqet dhe rrethanat e aksidentit.
Njoftimi i Policisë
Rreth orës 21:00, tek rreth rrotullimi Koplikut, shtetasi M.L, 38 vjeç, banues në fshatin Hot, Malësi e Madhe, duke drejtuar automjetin tip Opel, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga.
Drejtuesi i automjetit shtetasi M.L, pësoi dëmtime të rënda dhe për pasojë gjatë rrugës për në spital ka ndërruar jetë.
Grupi hetimor vijon veprimet për sqarimin e rrethanave dhe shkakut të aksidentit.
© SYRI.net