Në Sarandë, një shpërthim eksplozivi ka ndodhur në orët e para të mëngjesit të sotëm, rreth 4.35, në lagjen nr.1. Shpërthimi ka ndodhur në banesën e shtetasit Lefter Lefteri, alias Afez Kulla.
Lënda eksplozive e dyshuar si tritol ishte vendosur tek porta jashtë e vilës. Nga shpërthimi ka pasur vetëm dëme materiale. Në objektin ku u vendos eksplozivi jetonte familja prej 4 anëtarësh e 54-vjeçarit Lefteri.
Policia ndodhet në vendngjarje.
Lefter Lefteri së fundi rezulton ndërtues, ndërsa më parë ka qenë punonjës i administratës publike. Muajt e fundit Lefteri është kallezuar madje dhe shoqëruar në komisariat lidhur me një objekt në ndërtim e sipër në lagjen nr.1.
Nuk dihen ende motivet e ngjarjes. Objekti është 3-katësh dhe lënda eksplozive është vendosur tek porta e jashtme e objektit.
© SYRI.net