Lajmi i fundit

EMRA/ Arrestime në Bashkinë e Tiranës, Këlliçi: Për dosjen ...

Ishin martuar 4 muaj më parë/ Burri vrau gruan shtatzënë te dera e maternitetit, dalin fotot e çiftit

Ishin martuar 4 muaj më parë/ Burri vrau gruan shtatzënë te dera e maternitetit, dalin fotot e çiftit

22:16, 30/11/2022
A+ Aa A-

Një ngjarje e rëndë ka tronditur Kosovën pasditen e sotme rreth orës 18:00 në hapësirat e QKUK-së, saktësisht para spitalit të Gjinekologjisë ka ndodhur një vrasje.

Një grua shtatzënë e moshës 35-vjeçare është vrarë me thikë në mënyrë makabre nga ish-bashkëshorti i saj.

Bashkëshorti vrasës është Sokol Halili, i cili ka qëlluar disa herë me thikë ish-bashkëshorten e tij, Hamide Magashi, nga fshati Llugagji i Lipjanit.

Syri.net publikon fotot e çiftit.

Sipas të afërmve, çifti ishte kurorëzuar me martesë 4 muaj më parë. 

Po ashtu ata theksojnë se për shkak të mosmarrëveshjes Sokol Halili dhe Hamide Magashi ishin divorcuar kohët e fundit. 

Viktima ishte shtatzënë në muajin e fundit dhe priste të lindte nga dita në ditë. 

Mësohet se ajo ishte pranuar në maternitet fundjavën që kaloi. 

Para se të ndodhë akti makabër, sipas dëshmitarëve ka pasur debate verbale mes ish-bashkëshortëve. 

Sakaq, policia ka qenë në dijeni të mosmarrëveshjeve mes burrë e grua. Këshilltarja e ministres së Drejtësisë, Nazlije Bala, për Radio Dukagjini ka thënë se gruaja shtatzënë e cila u vra sot në oborr të QKUK-së kishte kërkuar ndihmë edhe më parë në institucionet përkatëse.

© SYRI.net

Lexo edhe:

Komentet

Shto koment

Denonco