Viktor Ymeri revoltohet me gjyqtarët për izolimin në regjimin '41 bis', nxirret me polici nga salla

Viktor Ymeri revoltohet me gjyqtarët për izolimin në regjimin '41 bis', nxirret me polici nga salla

22:49, 30/09/2022
A+ Aa A-

Gjykata e Posaçme ka rrëzuar ditën e sotme kërkesën e Viktor Ymerit për të dalë nga regjimi 41 biss.

Burime bëjnë me dije se seanca e ditës së sotme e cila është zhvilluar me dyer të mbyllura, është shoqëruar me tensione të shumta pasi Ymeri ka ngritur pretendime se po trajtohet ndryshe nga të dënuarit e tjerë duke u mbajtur në izolim.

Në vijim të përplasjeve në seancë, gjykata ka urdhëruar policinë të largojnë të akuzuarin nga salla për të qetësuar situatën. Ymeri u vu në pranga në 8 Dhjetor të vitit 2020 në Tiranë pas urdhrit të SPAK në kuadër të hetimeve për vrasjet e bujshme të Klodian Saliut, Vajdin Lames dhe Artan Arsit.

Viktor Ymeri kishte qenë i dënuar me burg të përjetshëm për vrasjen e Arben Pajës dhe Ilir Xhungës. Që nga viti 1999 ai qëndroi në burgun e Lushnjës dhe Peqinit, deri kur nisi projektimin e tij për lirinë, gjë që e arriti dhjetorin e vitit 2019./Panorama/

© SYRI.net

Lexo edhe:

Komentet

Shto koment

Denonco