Lajmi i fundit

EMRA/ Arrestime në Bashkinë e Tiranës, Këlliçi: Për dosjen ...

Policia e Vlorës: Ende të paidentifikuar dy të vrarët në Panaja - brenda makinës së autorëve, 3 automatikë

Policia e Vlorës: Ende të paidentifikuar dy të vrarët në Panaja - brenda makinës së autorëve, 3 automatikë

10:53, 18/08/2022
A+ Aa A-

Policia e Vlorës dha një informacion paraprak lidhur me vrasjen me së paku dy viktima që ndodhi paradite në aksin Fier - Vlorë. Policia tha se brenda automjetit të djegur të autorëve janë gjetur tre automatikë.

Sipas njoftimi zyrtar:

Sot, rreth orës 09:50, në dalje të fshatit Panaja, në aksin rrugor Fier-Vlorë, në rrethana ende të pa qarta, dyshohet se janë vrarë me armë zjarri, dy shtetas ende të paidentifikuar, të cilët ndodhen brenda një automjeti tip "Benz".

Gjatë krehjes së zonës, në fshatin Çerven, në aksin rrugor Levan-Tepelenë, nga shërbimet e Policisë është konstatuar duke u djegur një automjet i braktisur tip "BMW", pa targa, i cili paraprakisht dyshohet se mund të jetë i autorit/ve të ngjarjes. Nga kqyrja paraprake e automjetit dallohen në brendësi të tij, 3 armë zjarri automatike.

Grupi hetimor nën drejtimin e Prokurorisë së Rrethit Gjyqësor Vlorë ndodhet në vendin e ngjarjes, ku vijon puna për zbardhjen dhe dokumentin e plotë të rrethanave të ngjarjes, identfikimin dhe kapjen e autorit/ve, si dhe identifikimin e dy shtetasve të gjendur pa shenja jete.

Shërbimet e Policisë së DVP Vlorë, Delta Forcës e FNSH-së, në bashkëpunim me DVP Fier kanë ngritur pika kontrolli dhe po krehin zonën për të bërë të mundur kapjen e autrorëve.


 

© SYRI.net

Lexo edhe:

Komentet

Shto koment

Denonco