Shpërthim me eksploziv është regjistruar gjatë natës në Tragjas të Vlorës. Ngjarja ndodhi rreth orës 23:30.

Burime zyrtare nga policia bënë me dije se një mjet tip kamion, i parkuar, në pronësi të shtetasit me inicialet A. C., 53 vjeç, ka shpërthyer një sasi e vogël lëndë plasëse, ku si pasojë ka vetëm dëme të vogla materiale.

Aktualisht policia po heton në lidhje me ngjarjen dhe identifikimin e autorëve.

NJOFTIMI ZYRTAR

Më datë 12.08.2022, rreth orës 23:30, në fshatin Tragjas, Orikum, në një mjet kamion, të parkuar, në pronësi të shtetasit A. C., 53 vjeç, ka shpërthyer një sasi e vogël lëndë plasëse, ku si pasojë ka vetëm dëme të vogla materiale.

Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.