Më shumë se 35 shtëpi janë djegur gjatë pasdites së sotme në fshatin Grudë-Fushë në Shkodër.

Situata është dramatike në këtë zonë, ndërsa janë djegur edhe qindra hektarë pemë.

Në videon e mëposhtme shikoni se si zjarri ka shkrumbuar një banesë.

Janë rreth 35 banesa të pabanueshme që janë djegur, ndërkohë që 5 banesat ku jetojnë banorët janë arritur të shpëtohen.

‘70 forca nga komuniteti dhe dy zjarrfikëse nga Kopliku’, tha Nënprefekti Hysen Hysaj që ndodhet atje, kanë arritur të shpëtojnë vetëm banesat e banueshme.

Situata pas dy ore luftë me flakët është përmirësuar, por dëmet janë katastrofike: 80% e banesave janë djegur plotësisht, ndërkohë që nuk ka dëme në njerëz.