Zbardhet ngjarja në Fier, ku një 30-vjeçar masakroi me thikë nënën e tij.
Djali, i cili dyshohet të ketë qenë në gjendje të dehur i ka kërkuar lekë nënës së tij Donikës. Gruaja ka refuzuar dhe nënë e bir kanë debatuar me fjalë. Debati ka qenë i fortë dhe më pas djali ka marrë një thikë dhe e ka goditur disa herë.
Klaudio Çobaj është arrestuar pak minuta pas ngjarjes nga policia, teksa gruaja ndodhet në gjendje të rëndë në spital.
Fqinjët e familjes thonë se ata ishin njerëz të mirë. “Shumë, shumë njerëz të mirë. Ka dy çupa dhe dy çun. Ishte çun i urtë, të vriste Zoti për të. Jemi habitur për të,” tha një fqinje.
Donikës i ka vdekur i shoqi, ndërsa dy vajzat i kishte në emigracion.
Djali i saj kishte qenë në Gjermani dhe kishte dy javë që kishte ardhur. Në Gjermani ai kishte kaluar koronavirusin.
© SYRI.net