Kjo është Leze Qosja, e cila u gjet e pajetë mbrëmjen e kaluar në bajpasin e Shkodrës.

Trupi i saj ishte pjesërisht i dekompozuar, ndërsa ka dyshime se ndodhej prej disa ditësh në atë vend.

37-vjeçarja jetonte me motrën e saj, ndërsa së fundmi kishte shfaqur edhe shenja depresioni, por jo në mënyrë të theksuar.

Fillimisht u raportua se viktima mund të ishte vrarë.

Ndërkohë së fundmi janë shtuar dyshimet se ajo mund të jetë helmuar.

Mësohet po ashtu se ajo ishte ndarë nga i shoqi për shkak të dhunës që ushtrohej ndaj saj.

Hetimet po vazhdojnë.