Një aksident i rëndë ka ndodhur mëngjesin e sotëm në afërsi të fshatit Kolsh në Rrugën e Kombit.
Si pasojë e aksidentin ka humbur jetën një person, ndërkohë që është plagosur dhe miku i tij, të dy me origjinë nga Tropoja.
Njoftimi i policisë
Kukës/Informacion paraprak
Rreth orës 04:00, në autostradën Kalimash - Morinë, në afërsi të urës së Kolshit, mjeti tip "Benz", në të cilin udhëtonin shtetasit A. Rr., 25 vjeç dhe Xh. L ., 19 vjeç, ka dalë nga rruga dhe ka rënë në humnerë.
Si pasojë, shtetasi A. Rr. ka humbur jetën.
Nga shërbimet e Policisë dhe të Zjarrfikëses është bërë e mundur nxjerrja e trupit të pajetë të shtetasit A. Rr. ndërsa shtetasi Xh. L., është dërguar në spitalin e Tiranës, në gjendje të rëndë shëndetësore.
Grupi hetimor ndodhet në vendngjarje dhe po punon për zbardhjen e shkaqeve të aksidentit.
© SYRI.net